Текст песни Омар Отаров - Сени ариулугъунг

Муз. и сл. народные.

Ой, сенден ариу мен кёрмегенем
Ол мен айланнган джерледе.
Сени ариулугъунг алай айтылгъан
Тау этекледе, элледе.

Нечик ариуду сени санларынг,
Юлгю бла бичгенча, къыйылыб.
Къара чачынгда окъа болгъанлай,
Ол бурма болуб, жыйылып.

Къарангы кечени джарыкъ этелле
Ма кёзлеринги аласы.
Эки къашынг а, бирден кенг тохтаб,
Сютден да акъды арасы.

Бир терс акъылынг болмагъанлайын,
Сейир ариудула халларынг.
Кече тюшюмде кёрюнюб туралла
Сени субай ёсген санларынг.

Сени ариулугъунг джюрегими алгъанды,
Чыдаялмайма джеримде.
Ариулугъунгу айтыб турсам да,
Джазыб бошамам ёмюрде.

Сени ариулугъунгу бютеу дунияда
Бир адам билалмаз багъасын.
Сени кесине алалгъан джаш а -
Кесин насыблыгъа санасын.

Ариу кийинсенг, кёз тиерик сунуб,
Тургъаенг, дейме, кийинмей.
Сени кёргенледе бир джаш къалмайды,
Джангыз кёргенлей, сюйюнмей.

Эртден сайын а къара чачынгы
Сен бизни отоуда тарагъын,
Мен ишге кетсем, сен, тансыкъ болуб,
Бизни терезеден къарагъын.

Джюреклерибиз таза болсунла,
Кирсиз суулача кёлледе.
Биз экибизни алгъышха айтсынла
Келин-къыз чыкъгъан джерледе.